Moto mkubwa umeripotiwa kuzuka katika Kituo Kidogo cha Kusambaza Umeme cha Musaga, kilichopo Navakholo, Kaunti ya Kakamega.

Tukio hilo limesababisha kukatika kwa umeme katika maeneo mbalimbali ya Magharibi mwa Kenya huku vikosi vya dharura vikiendelea na juhudi za kuuzima moto na kurejesha huduma ya umeme.

Hadi sasa, chanzo cha moto huo hakijabainika. Mamlaka husika zinaendelea na uchunguzi, na taarifa zaidi zitatolewa kadiri zitakavyopatikana.